കോഴിക്കോട്. ഇന്ത്യയടക്കമുള്ള രാജ്യങ്ങൾക്ക് സൗദി, കുവൈത്ത് എന്നിവിടങ്ങളിൽ യാത്രാ വിലക്ക് ഏർപ്പെടുത്തിയതോടെ വിസിറ്റിംഗ് വിസയിൽ പോകാൻ യുഎഇയിൽ എത്തിയ യാത്രക്കാർ മടങ്ങുന്നു. നാട്ടിൽ നിന്ന് യുഎഇലെത്തി ക്വറന്റീൻ പൂർത്തിയാക്കിയാലും,ക്വറന്റീൻ പ്രവേശിച്ചവരുമാണ് യാത്രാ വിലക്ക് വന്നതോടെ തിരിച്ചുവരാൻ നിർബന്ധിതരാകുന്നത്.
കുവൈത്തിൽ ഇ മാസം 15വരെയും, സൗദിയിൽ 28 വരെയുമാണ് യാത്രാ വിലക്ക്. ഇത് നീട്ടാനും സാദ്ധ്യത ഉള്ളതിനാലാണ് വിസിറ്റിംഗ് വിസക്കാർ ദുബായിൽ നിന്ന് മടങ്ങുന്നത്. ഇന്ത്യയിൽ നിന്നുള്ള വിമാനങ്ങൾക്ക് യാത്രാ വിലക്ക് വന്നതോടെ അബുദാബി-ദുബായ് വഴിയാണ് പലരും സൗദിയിലേക്ക് പുറപ്പെട്ടത്.
