കോവിഡ് :18 ദശലക്ഷം ഇന്ത്യക്കാർ പുതിയ ജോലി കണ്ടെത്തേണ്ടിവരും

ദില്ലി: കൊറോണ വൈറസ് വ്യാപനം ഇന്ത്യന്‍ തൊഴില്‍ വിപണിയില്‍ ദീര്‍ഘകാലത്തേക്ക് പ്രത്യാഘാതങ്ങളുണ്ടാക്കുന്നവെന്ന് പഠനം. കൊവിഡ് വ്യാപനം മൂലം 2030 ഓടെ 1830 ഇന്ത്യക്കാരായ തൊഴിലാളികള്‍ പുതിയ ജോലിയിലേക്ക് മാറാന്‍ നിര്‍ബന്ധിതരാകുമെന്നും. റീട്ടെയില്‍, ഫുഡ് സര്‍വീസസ്, ആതുരസേവനം, ഓഫീസ് അഡ്മിനിസ്ട്രേഷന്‍ എന്നിവയിലെ കുറഞ്ഞ വേതനത്തോടെ ജോലി ചെയ്യുന്ന തൊഴിലാളികളെ ഇത് ആനുപാതികമായി ബാധിക്കുമെന്ന് മക്കിന്‍സി ഗ്ലോബല്‍ ഇന്‍സ്റ്റിറ്റ്യൂട്ടിന്റെ റിപ്പോര്‍ട്ട് പറയുന്നു. കൊറോണ വൈറസ് വ്യാപനം തൊഴില്‍ വിപണികളെ തടസ്സപ്പെടുത്തിയെന്നാണ് ഔദ്യോഗിക പ്രസ്താവനയില്‍ പറയുന്നത്.

ഇന്ത്യയുള്‍പ്പെടെ എട്ട് രാജ്യങ്ങളില്‍ തൊഴില്‍ ആവശ്യങ്ങള്‍, തൊഴിലുകളുടെ മിശ്രണം, തൊഴില്‍ ശക്തി എന്നിവയില്‍ കൊവിഡിന്റെ സ്വാധീനമുണ്ടായതായി റിപ്പോര്‍ട്ടില്‍ പരാമര്‍ശിക്കുന്നു. വര്‍ക്ക് ഫ്രം ഹോം ജോലികള്‍, ഇ-കൊമേഴ്‌സിന്റെയും വിര്‍ച്വല്‍ ഇടപെടലുകളുടെയും വര്‍ദ്ധിച്ച പ്രത്യാഘാതങ്ങള്‍ ഓട്ടോമേഷന്‍, എഐ (ആര്‍ട്ടിഫിഷ്യല്‍ ഇന്റലിജന്‍സ്) എന്നിവയുടെ വിന്യാസം എന്നിവയും കൊവിഡ് വ്യാപനം കാരണം ഉപഭോക്തൃ സ്വഭാവത്തിലും ബിസിനസ്സ് മോഡലുകളിലും മൂന്ന് വിശാലമായ മാറ്റങ്ങള്‍ക്ക് കാരണമായിട്ടുണ്ട്.

ഇത് ഒരു പത്ത് വര്‍ഷത്തേക്ക് സമ്ബദ്‌വ്യവസ്ഥയിലെ ജോലികള്‍ പുനഃ ക്രമീകരിക്കുന്നതിലേക്ക് നയിക്കും. 100 ദശലക്ഷത്തിലധികം തൊഴിലാളികള്‍ക്ക് ഒരു പുതിയ ജോലി കണ്ടെത്തേണ്ടതായി വരികയും ചെയ്യും, അതില്‍ 18 ദശലക്ഷം പേര്‍ ഇന്ത്യയില്‍ നിന്ന് തന്നെ ഉള്ളവരായിരിക്കും. നിര്‍മാണ പ്രവര്‍ത്തനങ്ങള്‍ നടക്കുന്ന സ്ഥലം, ഫാമുകള്‍, പാര്‍പ്പിട, വാണിജ്യ മൈതാനങ്ങള്‍, മറ്റ് ഔട്ട്‌ഡോര്‍ എന്നിവ ഉള്‍പ്പെടുന്ന ഔട്ട്‌ഡോര്‍ ഉല്‍പാദന, പരിപാലന മേഖലയായി വര്‍ഗ്ഗീകരിച്ചിരിക്കുന്നതിനെ ആശ്രയിച്ചായിരിക്കും രാജ്യത്തെ തൊഴിലാളികളുടെ 35-55 ശതമാനം വരെയുള്ളവരുടെ ഭാവിയെന്നും റിപ്പോര്‍ട്ടില്‍ പരാമര്‍ശിക്കുന്നുണ്ട്.

ഇന്ത്യയില്‍, ശാരീരികവും സ്വമേധയാലുള്ളതുമായ കഴിവുകള്‍ ഉപയോഗിച്ച്‌ ചെലവഴിക്കുന്ന മൊത്തം പ്രവൃത്തി സമയത്തിന്റെ വിഹിതം 2.2 ശതമാനം കുറയുകയും സാങ്കേതിക നൈപുണ്യത്തിനായി നീക്കിവച്ചിരിക്കുന്ന സമയം 3.3 ശതമാനം ഉയരുകയും ചെയ്യും.

കൊവിഡ് വ്യാപനത്തിന്റെ പ്രത്യാഘാതം കുറഞ്ഞ വേതനത്തോടെ ലഭിക്കുന്ന ജോലികളുടെ എണ്ണം കുറയ്‌ക്കാനിടയുണ്ടെന്നും റിപ്പോര്‍ട്ടില്‍ പറയുന്നു. ഇത് മുമ്പ് സ്ഥലംമാറ്റപ്പെട്ട തൊഴിലാളികളുടെ സുരക്ഷാ വലയമായി പ്രവര്‍ത്തിച്ചിരുന്നുവെന്നും മക്കിന്‍സി ഗ്ലോബല്‍ ഇന്‍സ്റ്റിറ്റ്യൂട്ടിലെ പങ്കാളിയായ സൂസന്‍ ലണ്ട് പറഞ്ഞു. ആരോഗ്യ സംരക്ഷണം, സാങ്കേതികവിദ്യ, അദ്ധ്യാപനം, പരിശീലനം, സാമൂഹ്യ പ്രവര്‍ത്തനം, എച്ച്‌ആര്‍ തുടങ്ങിയ ഉയര്‍ന്ന വേതനം ലഭിക്കുന്ന ജോലി ചെയ്യുന്നവര്‍ ജോലികളില്‍ ഏര്‍പ്പെട്ടിട്ടുള്ളവര്‍ സങ്കീര്‍ണ്ണമായ കഴിവുകള്‍ പ്രകടിപ്പിക്കാന്‍ സ്വയം തയ്യാറാകേണ്ടതുണ്ടെന്നും ലണ്ട് കൂട്ടിച്ചേര്‍ത്തു.