വളരെ മികച്ച രീതിയില്‍ ശുചിത്വം പാലിക്കുന്ന എരിയാലിന് സമീപത്തെ ബി എ റെസ്റ്റോറന്റ് ഉടമയെയും ജീവനക്കാരെയും ആരോഗ്യ വിഭാഗം അഭിനന്ദിച്ചു. ലൈസന്‍സ് ഇല്ലാതെയും, വൃത്തിഹീനമായ നിലയിലും പ്രവര്‍ത്തിക്കുന്ന മൂന്ന് ഹോട്ടലുകള്‍ക്ക് ആവശ്യമായ നടപടികള്‍ സ്വീകരിക്കാന്‍ നോട്ടീസ് നല്‍കി. ഭക്ഷണം കഴിക്കുന്നവര്‍ക്ക് തിളപ്പിച്ച വെള്ളം നല്‍കാനും, ജീവനക്കാര്‍ വ്യക്തി ശുചിത്വം പാലിക്കാനും നിര്‍ദേശം നല്‍കി.
മഞ്ഞപ്പിത്തം, ടൈഫോയിഡ്, മറ്റു ജലജന്യരോഗങ്ങള്‍ തടയാന്‍ പരിശോധന കര്‍ശനമാക്കുമെന്ന് ആരോഗ്യ വകുപ്പ് അധികൃതര്‍ അറിയിച്ചു. ഹെല്‍ത്ത് ഇന്‍സ്പെക്ടര്‍ ബി അഷ്‌റഫിന്റെ നേതൃത്വത്തില്‍ നടന്ന പരിശോധനയില്‍ ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ എ പി സുന്ദരന്‍, രഞ്ജീവ് രാഘവന്‍, ജെ പി എച്ച് എന്‍ രാജി, പഞ്ചായത്ത് ഓഫീസ് ജീവനക്കാരന്‍ സാബിര്‍ എന്നിവര്‍ സംബന്ധിച്ചു.
