ജില്ലാ സീനിയര്‍ ഡിവിഷന്‍ ലീഗ് ഫുട്ബോള്‍; നാഷനല്‍ കാസറഗോഡിന് ജയം



ഉപ്പള, മാർച്ച് 6 , 2019 ●കുമ്പളവാർത്ത.കോം : കാസര്‍കോട് ജില്ലാ ഫുട്ബോള്‍ അസോസിയേഷന്‍റെ ആഭിമുഖ്യത്തില്‍ സിറ്റിസണ്‍ ഉപ്പള സംഘടിപ്പിക്കുന്ന കാസര്‍കോട് ജില്ലാ സീനിയര്‍ ഡിവിഷന്‍ നോര്‍ത്ത് സോണ്‍ ലീഗ് ഫുട്ബോള്‍ ചാംപ്യന്‍ഷിപ്പിലെ പന്ത്രണ്ടാം ദിനമായ ഇന്ന് നടന്ന മത്സരത്തില്‍ നാഷനല്‍ കാസര്‍കോടിന് ജയം. ഉപ്പള മണ്ണംകുഴിയിലെ ഗോള്‍ഡന്‍ അബ്ദുല്‍ ഖാദര്‍ മെമ്മോറിയല്‍ സ്റ്റേഡിയത്തില്‍ നടന്നു വരുന്ന ചാംപ്യന്‍ഷിപ്പില്‍ സിറ്റിസണ്‍ ഉപ്പളയെയാണ് നാഷനല്‍ കാസര്‍കോഡ് മറുപടിയില്ലാത്ത രണ്ട് ഗോളുകള്‍ക്ക് പരാജയപ്പെടുത്തിയത്. നാഷനല്‍ കാസര്‍കോടിന്‍റെ മുന്നേറ്റ താരം ഷഹ്നാസിനെ മത്സരത്തിലെ മികച്ച താരമായി തെരഞ്ഞെടുത്തു.
ചാംപ്യന്‍ഷിപ്പിലെ പതിമൂന്നാം ദിനമായ നാളെ നാഷനല്‍ ചെമ്പിരിക്ക മിറാക്കിള്‍ കമ്പാറുമായി ഏറ്റുമുട്ടും. മത്സരം വൈകിട്ട് 04:30 ന് ആരംഭിക്കും.
keyword : diatrict-senior-division-league-football-victory-for-national-kasaragod