'നെയിം ടാഗ്' സവിശേഷത അവതരിപ്പിച്ച് ഇൻസ്റ്റഗ്രാം


ഒക്ടോബര്‍ 09.2018. ഇൻസ്റ്റഗ്രാം ഒരു പുതിയ സവിശേഷത അവതരിപ്പിച്ചു. നെയിം ടാഗ് എന്ന സവിശേഷതയാണ് അവതരിപ്പിച്ചത്. ഉപയോക്താക്കള്‍ക്ക് ഈ പുതിയ ഫീച്ചര്‍ വഴി  ഫോളോ കാര്‍ഡുകള്‍ നിര്‍മിച്ച് മറ്റുള്ളവരുമായി പങ്കുവെക്കാം. കൂടാതെ, ഇത് മറ്റ് സോഷ്യല്‍ മീഡിയാ പ്ലാറ്റ്‌ഫോമുകളിൽ ഉപയോക്താക്കള്‍ക്ക് ഷെയർ ചെയ്യാനും സാധിക്കും. ആ സുഹൃത്തിനെ ഫോളോ ചെയ്യാനായി ഈ കാര്‍ഡുകള്‍ സ്‌കാന്‍ ചെയ്താല്‍ മതിയാകും. 

രണ്ട് രീതിയില്‍ നെയിം ടാഗ് സ്‌കാന്‍ ചെയ്യാം. പ്രൊഫൈല്‍ പേജിന് വലത് ഭാഗത്ത് മുകളിലുള്ള മെനുവില്‍ പുതിയ നെയിംകാര്‍ഡ് ഓപ്ഷന്‍ കാണാം. 
 തുടർന്ന് വ്യത്യസ്ത നിറങ്ങൾ ലഭിക്കുന്നതിന് സ്ക്രീനിൽ ടാപ്പുചെയ്യുക. അതില്‍ ക്ലിക്ക് ചെയ്ത് നെയിം കാര്‍ഡ് സ്‌കാന്‍ ചെയ്താൽ മതി. കൂടാതെ, ഇന്‍സ്റ്റാഗ്രാമിന്റെ സ്റ്റോറി ക്യാമറ നെയിംടാഗ് കാര്‍ഡുകള്‍ക്ക് നേരെ പിടിച്ചാല്‍ ആ സുഹൃത്തിനെ ഫോളോ ചെയ്യാം. സ്‌കാന്‍ ചെയ്താല്‍ നേരെ സുഹൃത്തിന്റെ പ്രൊഫൈലിലിൽ പ്രവേശിക്കാം എന്നിട്ട്   ഫോളോ ബട്ടന്‍ അമര്‍ത്താം.  വിവിധ നിറങ്ങള്‍, ഇമോജികള്‍,സ്റ്റിക്കറുകളോടുകൂടിയുള്ള സെല്‍ഫികള്‍ എല്ലാം ഇതില്‍ ചേര്‍ക്കാം. അതില്‍ നിങ്ങളുടെ ചിത്രവും പേരും ചേര്‍ക്കാനാവും. നിലവില്‍ ഇന്‍സ്റ്റാഗ്രാമിന്റെ ഐഓഎസ് ആന്‍ഡ്രോയിഡ് പതിപ്പുകളില്‍ ഈ ഫീച്ചര്‍ ലഭ്യമാണ്.


Copying Snap chat again: Instagram introduces name tag feature, news, technology, Instagram.